ئه‌مڕۆ شاندێكی ئاژانسی وزه‌ی ئه‌تۆم ده‌گاته‌ تارانى پایته‌ختى ئێران به‌مه‌به‌ستی تاوتوێكردنی دۆسیه‌ی ناوه‌كی ئێران له‌گه‌ڵ گه‌وره‌ به‌رپرسانی ئه‌و وڵاته. ئه‌و شانده‌ى سه‌ردانى تاران ده‌كات پێكهاتوون له‌ 6 به‌رپرس‌و 2 پسپۆر له‌بواری چه‌كی ناوه‌كی، ئه‌و ئا

ئه‌مڕۆ شاندێكی ئاژانسی وزه‌ی ئه‌تۆم ده‌گاته‌ تارانى پایته‌ختى ئێران به‌مه‌به‌ستی تاوتوێكردنی دۆسیه‌ی ناوه‌كی ئێران له‌گه‌ڵ گه‌وره‌ به‌رپرسانی ئه‌و وڵاته.
 

ئه‌و شانده‌ى سه‌ردانى تاران ده‌كات پێكهاتوون له‌ 6 به‌رپرس‌و 2 پسپۆر له‌بواری چه‌كی ناوه‌كی، ئه‌و ئاژانسه‌ ده‌یانه‌وێت به‌دواداچوون بكه‌ن بۆئه‌وه‌ى بزانن ئێران توێژینه‌وه‌و تاقییكردنه‌وه‌ له‌ بواری چه‌كی ئه‌تۆم ئه‌نجام ده‌دات.

ئێران له‌ ماوه‌ی سێ ساڵی رابردوودا ره‌تی ده‌كرده‌وه‌ له‌و باره‌یه‌وه‌ گفتوگۆ بكات‌و رایگه‌یاندووه‌ "ئه‌و زانیارانه‌ی كه‌ ئاژانسی نێوده‌وڵه‌تی وزه‌ی ئه‌تۆمی هه‌یه‌تی له‌ باره‌ی چه‌كی ئه‌تۆمی ئێرانه‌وه‌ له‌سه‌ر بنه‌مای راپۆرتی ده‌زگای هه‌واڵگری ئه‌مه‌ریكایه‌‌و بۆ له‌كه‌داركردنی كۆماری ئیسلامی ئێرانه‌".

ئه‌مڕۆ یوكیا ئه‌مانۆ به‌ڕێوه‌به‌ری گشتی ئاژانسی وزه‌ی ناوه‌كی له‌ لێدوانێكدا رایگه‌یاند "هیوادارین تاران هه‌موو ئه‌و زانیاریانه‌ بخاته‌ به‌رده‌ست كه‌ ئێمه‌ ده‌خوازین پێی بگه‌ن بۆ ئه‌وه‌ی ئه‌و كێشه‌ چاره‌سه‌ر بكرێت".

• دواتر >