راگه‌یه‌ندراوی کومیته‌ی ناوه‌ندی یه‌کێتی شۆڕشگێڕانی کوردستان کۆمه‌ڵکوژیه‌که‌ی ناوچه‌ی شه‌رناخ پرۆتستۆ ده‌که‌ین

خه‌ڵکی خۆڕاگری کوردستان
لاوانی ناسیۆنالیست
کۆروکۆمه‌ڵه‌ مرۆڤدۆسته‌کان

شه‌وی 28 له‌ سه‌ر 29 دێسامبه‌ری 2011 فرۆکه‌ کوردکوژه‌کانی حکومه‌تی تورکیه‌ کۆمه‌ڵێک له‌ کاسبکاران و کۆڵبه‌رانی ناوچه‌ی شه‌رناخی باکوری کوردستانیان کرده‌ ئامانج و 36 لاو و گه‌نجی کوردی سیڤیلی ئه‌و ناوچه‌یان له‌ چرکه‌ ساتێکدا کرده‌ قوربانی سیاسه‌تی له‌ مێژینه‌ی کورد قرانیان. 
دیاره‌ ئه‌م کرداره‌ نامرۆڤیانه‌یانه‌ له‌ درێژه‌ی ئه‌و پرۆسه‌یه‌دا دێت که‌ له‌ ژێر ناوی ئۆپه‌راسیونی دژه‌ که‌جه‌که‌ وه‌ک سیاسه‌تی نوێی دژی گه‌لی باکوری کوردستان له‌ چه‌ن حه‌وتوی رابردوو دا ده‌ستیان پێکردوه‌ و تاکوو ئێستاش پتر له‌ 5000 کچ و کوڕی سڤیلی کوردیان به‌ بێ هیچ هۆکارێکی یاسایی راپێچی به‌ندیخانه‌کان کردوه‌ و هێزه‌ چه‌کداره‌کانیشیان به‌ ناوچه‌ سنوریه‌کان دا بڵاو کردۆته‌وه‌ و به‌ بیانوی ئۆپه‌راسیۆنی که‌جه‌که‌ وه‌ ناوچه‌که‌یان ملیتاریزه‌ و شاره‌کانیشیان پۆلیسی کردوه‌.
کۆمیته‌ی ناوه‌ندی یه‌کێتی شۆڕشگێڕانی کوردستان هاوکات له‌گه‌ڵ پرۆتستۆ کردنی ئه‌و کۆمه‌ڵکوژیه‌ نوێیه‌ی تورکیه‌ ،داوا له‌ کۆڕ و کۆمه‌ڵه‌ مرۆڤدۆسته‌کانی جیهان ده‌که‌ین که‌ به‌ گوشار هێنان بۆ ده‌وڵه‌ته‌کانیان پێش به‌ مۆدێلی نوێی کورد قران به‌ ده‌ستی رژیمه‌کانی تورکیه‌ و سوریه‌ و ئێران بگرن. 
له‌ کۆتایی دا هاوخه‌می خۆمان ئاراسته‌ی ماڵباتی سه‌ربه‌رزی قوربانیانی ده‌ڤه‌ری شه‌رناخی باکوری کوردستان ده‌که‌ین و هیواخوازین بۆ به‌رنگار بونه‌وه‌ی یه‌کلاکه‌ره‌وه‌ به‌رانبه‌ر به‌ سیاسه‌تی کۆمه‌ڵکوژی ده‌وڵه‌تانی تورکیه‌ و سوریه‌ و ئێران ، لاوانی ناسیۆنالیستی کورد ریزه‌کانی پێشمه‌رگه‌ و گریلا به‌ هێز بکه‌ن. 
بژی کورد پایه‌دار
بێت کوردستان
کومیته‌ی ناوه‌ندی یه‌کێتی شۆڕشگێڕانی کوردستان 
29-12-2011

• دواتر >